KU:  MADAXWEYNAHA JAMHUURIYADA SOOMAALILAND

OG: WASIIRKA ARIMAHA GUDAHA JSL

OG: WASIIRKA GAASHAANDHIGA JSL

OG: TALIYAHA CIIDANKA QARANKA JSL

UJEEDO:  CABASHO  MUJAAHID XIDHAN ( MUJ: Aadan Maal Caqli)

Mudane madaxweyne waxaanu kaaga cabanaynaa  in  MUJAAHID  AADAN MAAL CAQLI  oo ku xidhan yahay jeelka weyn ee magaalada Hargeysa mujaahidkaas  oo ka mid ahaa Mujaahidiintii SNM isla markaana ka mid ahaa 11kii mujaahid ee uu hogaaminayay AHUN Mujaahid Ibraahim koodbuur ee Miiskii  Sarakiisha ee ciidankii faqashta   hadhka cad kala baxay Cornel C/laahi Askar  weerarkaas oo dhabar jab ku noqday ciidamadii Faqashta.

Mujaahid Aadan Maal isagoo ku xidhan jeelka ayaa gurigiisii oo ahaa Guri dowladeed  ayaa waxaa si qasab ah lagaga saaray xaaskiisii isla markaana waxaa gurigaa lagu wareejiyay Ganacsade Ina Harbi oo isaguna  dib ku dhis ku sameeyay gurigii kuna wareejinaya Laybareeriga Gaandi.

Markii aanu meel walba marnay  arinta gurigaa waxaa la noo sheegay  in warqada ka saarida guriga ay xafiiskaaga ka soo baxday hadaba madaxweyne waxaanu kaa codsaneynaa inaad dib u eegtid  arinta guriga Mujaahidkaas iyo xadhigiisaba.

Caaqil: C/raxmaan C/laahi Cali.

Odey:  Maxamud Daauud  Warsame

 Aamina Maal C/laahi (xaaska Mujaahidka).

Email:  mdwarsame@gmail.com